වසර පහක විරාමයකට පසු මේ වසරේ බැංකොක් සිට පැමිණි මිලියන 2 වැනි සංචාරකයා ශ්‍රී ලංකාව බණ්ඩාරනායක ජාත්‍යන්තර ගුවන්තොටුපළේදී (BIA) පිළිගෙන තිබේ.
මින් පෙර 2016, 2017 සහ 2018 වසර වලදී සිදු වූ අවස්ථා සමඟින් වාර්ෂික සංචාරක පැමිණීම් මිලියන 2 ඉක්ම වූ ඉතිහාසයේ සිව්වන අවස්ථාව මෙය සනිටුහන් කරයි.
සංචාරක නියෝජ්‍ය අමාත්‍ය රුවන් රණසිංහ සහ සංචාරක ප්‍රවර්ධන කාර්යාංශයේ සභාපති බුද්ධික හේවාවසම් යන මහත්වරුද සංචාරකයා පිළිගැනීමට ගුවන් තොටුපළට පැමිණ සිටියහ.
මෙම අවස්ථාව සනිටුහන් කරමින් ශ්‍රී ලංකා සංචාරක ප්‍රවර්ධන කාර්යාංශය විසින් විශේෂ උත්සවයක් ද BIA හි සේද මාර්ග විවේකාගාරයේදී සංවිධානය කර තිබුණි.
සංඛ්‍යාලේඛනවලට අනුව, දෙසැම්බර් පළමු දින 26 තුළ සංචාරකයින් 195,127 ක් පැමිණ ඇති අතර දෙසැම්බර් 31 වන විට එය 250,000 ඉක්මවනු ඇතැයි අපේක්ෂා කෙරේ. සංචාරකයින් 250,000 කට වඩා පැමිණ ඇති එකම මාසය 2019 පෙබරවාරි වේ.
2019 පාස්කු ප්‍රහාරය, COVID-19 වසංගතය සහ පවතින ආර්ථික අර්බුදය හේතුවෙන් දැඩි ලෙස බලපෑමට ලක් වූ රටේ සංචාරක ක්ෂේත්‍රය නව රජයේ ප්‍රයත්නයෙන් පසුව මේ වන විට ශීඝ්‍ර වර්ධනයක් අත්කර ගනිමින් සිටින බව විදේශ කටයුතු, විදේශ රැකියා සහ සංචාරක අමාත්‍යාංශය පවසයි.
විදේශ සංචාරකයින් සඳහා ඔන්ලයින් වීසා සම්බන්ධයෙන් රජය අවධානය යොමු කර ඇති බව අමාත්‍යාංශය පවසයි. මීට අමතරව, සංචාරකයින්ගේ ආරක්ෂාව සහතික කිරීමට සහ සංචාරක සේවා සපයන්නන් මුහුණ දෙන අභියෝග විසඳීමට පියවර ගෙන ඇත.
අමාත්‍යාංශයට අනුව ගතවූ මාස තුනක කාලය තුළ සංචාරකයින් 515,192ක් ශ්‍රී ලංකාවට පැමිණ ඇත.
තවද, නව රජය රටවල් 39 ක පුරවැසියන් සඳහා නොමිලේ වීසා පහසුකම් හඳුන්වා දී ඇති අතර 2025 වන විට සංචාරකයින් මිලියන 3 ක් ගෙන්වා ගැනීමේ ඉලක්කය කරා ක්‍රියා කරයි.
Comments